Dydd Gwener 15 Mai, 2026 9.30 y.b.
Cerdded a Nofio Gwyllt – Ymlaciwch drwy dipio yng nghoedwig hudolus Gwydir – Tocynnau: £12
Bydd dau grŵp o hyd at 10 o bobl yn mwynhau taith gerdded a nofio gwyllt yn nyfroedd tawel llyn anghysbell.
Bydd dau o’n harweinwyr cerdded yn mynd efo’r cerddwyr, a bydd y nofio o dan oruchwyliaeth achubwyr bywyd Ffit Conwy a’r hyfforddwraig nofio dŵr agored, Vivienne Rickman.
Ar ôl rhannu’n ddau grŵp mwy neu lai yn gyfartal – bydd y grŵp cyntaf yn cerdded i fyny o Drefriw, gan gyrraedd y llyn anghysbell mewn pryd i gael cinio. Ar ôl nofio hamddenol a diod boeth, byddwch yn cerdded i lawr i fwynglawdd Hafna lle bydd y bws mini yn eich cludo yn ôl i Drefriw – i gael cacen!
Bydd yr ail grŵp yn mynd ar y bws mini i fyny i fwynglawdd Hafna, ac yna’n cerdded i fyny i’r llyn ar gyfer y nofio. Ar ôl trochiad ymlaciol, byddwch yn cael cinio efo’r grŵp cyntaf, cyn cerdded yn ôl i lawr i Drefriw.
Mae’r cyflymder a’r pellter rydych chi’n ei nofio yn dibynnu arnoch chi, ond mae hwn ar gyfer nofwyr dŵr agored / oer profiadol yn unig.
Awgrymwn eich bod yn dod â sach gefn yn cynnwys:
* Digon o haenau cynnes.
* Offer nofio – gan gynnwys siwt wlyb, cap nofio a ‘tow float’ os oes gennych un, ac esgidiau dŵr neu fŵts neopren.
* Gwisg newid / tywel, a het wlân a menyg ar gyfer wedyn.
* Meddyginiaeth bersonol ac amlen/bag ar gyfer eich pethau gwlyb.
Mae haenau cynnes, diod gynnes a byrbrydau/bwyd ar gyfer ar ôl eich nofio yn hanfodol.
Hyd: Trwy’r dydd. Dewch â phecyn bwyd.
Pellter: 5 milltir / 8 km o gerdded
Gradd: Hawdd / Cymedrol
Cofiwch – ardal wledig yw hon, a bydd ein teithiau cerdded yn mynd â ni allan i gefn gwlad lle bydd rhai rhannau o lwybrau yn anwastad, ac weithiau byddant yn wlyb a llithrig dan draed. Dydy hi ddim fel cerdded ar balmentydd!
Cofiwch wisgo ar gyfer y tywydd a sicrhau bod gennych esgidiau addas.
Amser ymadael: 9:30 y.b. o Neuadd Bentref Trefriw (LL27 0JH, SH781631) Cyrhaeddwch 20 munud cyn amser cychwyn y daith.
Bydd te a chacen ar gael yn y Neuadd o flaen ac ar ôl eich taith. (Gweler ein caffi.) Croeso i chi aros a chymdeithasu.
Cludiant: Byddwn yn teithio un ffordd yn y bws mini – un ai allan neu’n ôl
Arweinwyr: Jan Blaskiewicz a Karen Martindale
Staff Ffit Conwy: Roger Pierce a Zac Pierce
Cliciwch ar y map i weld bras leoliad y daith gerdded hon.
Pris: £12 Pam rydym yn codi tâl am deithiau cerdded?
Cliciwch isod am docynnau.
Gwnewch yn siŵr eich bod wedi darllen yr wybodaeth archebu, amodau a thelerau cyn i chi fynychu unrhyw daith gerdded.
Os ydy’r daith hon wedi gwerthu allan, gwiriwch eto’n nes at yr amser gan fod gynnon ni gansladau weithiau. Mae croeso i chi bori drwy ein teithiau cerdded eraill sydd ar gael.
Sylwch, er ein bod bellach yn codi tâl am ein teithiau cerdded, dan ni’n dal i ofyn am roddion gwirfoddol (mae cerdyn yn well, ond derbynnir arian parod) i helpu i gadw prisiau ein tocynnau mor isel â phosibl. Mae mwy o fanylion ar ein tudalen ariannu.