DARLLENWCH HWN YN OFALUS, OS GWELWCH YN DDA. PAN FYDDWCH YN ARWYDDO I MEWN YN YR ŴYL GERDDED, BYDDWCH YN ARWYDDO I DDWEUD EICH BOD WEDI DARLLEN A DEALL YR AMODAU A THELERAU HYN. DIOLCH.
Dolenni sydyn:
Archebu
Tocynnau
Canslo
Ad-daliadau
Iechyd a Ffitrwydd
Dillad, Esgidiau, Bwyd a Diod
Oedran
Amser Ymadael
Tywydd
Newidiadau
Lluniau
Cŵn
Ariannu
Atebolrwydd
Gwarchod Data
Archebu
Mae’n ofynnol i bob cerddwr archebu a thalu ymlaen llaw am deithiau cerdded, ac ar y diwrnod, rhaid llofnodi a chofrestru 20 munud cyn dechrau’r daith. Gan amlaf, bydd hyn yn Neuadd y Pentref, Trefriw, oni nodir yn wahanol ym manylion y daith. Mae hyn yn rhan bwysig o’n hasesiad risg a’n hyswiriant, ac mae’n sicrhau bod gennym gofnod cywir o’ch cyfranogiad yn y gweithgaredd a archebwyd. Rhaid i bawb o dan 18 oed fod yng nghwmni rhiant neu warcheidwad.
Tocynnau
Rydym yn sefydliad nid-er-elw a redir gan wirfoddolwyr, ac rydym yn codi tâl o £10 am daith diwrnod llawn a £5 am hanner diwrnod. Ychwanegir ffi archebu nad yw’n ad-daladwy at bob tocyn er mwyn talu am ein ffioedd trafod. Mae ein harchebiadau yn cael eu trin drwy ‘Ticket Tailor’ a gellir mynd atynt yn uniongyrchol o dudalennau unigol y teithiau cerdded.
Gweler: ‘Sut mae Ticket Tailor yn gweithio’
Dylid rhoi gwybod am unrhyw broblemau gyda Ticket Tailor i contact@twfwalks.co.uk gan fod eich cytundeb gyda ni, nid nhw. Fodd bynnag, mae eu swyddfa docynnau yn hawdd iawn i’w defnyddio ac yn gyfeillgar.
Canslo
Rydych yn cytuno i ganslo unrhyw docynnau diangen cyn gynted â phosibl, fel y gellir eu cynnig i gerddwyr eraill a allai fod ar restrau aros am deithiau sydd wedi gwerthu allan. Mae hyn hefyd yn hanfodol os ydych am gael unrhyw ad-daliad. Gweler: ‘Sut mae Ticket Tailor yn gweithio’ i ganslo tocyn.
Ad-daliadau
Dim ond hyd at 21 diwrnod cyn dechrau’r daith y mae ad-daliadau hunanwasanaeth awtomatig ar gael ar gyfer canslo, a byddant bob amser yn eithrio’r ffioedd archebu, na allwn eu hadfer. Rhaid i chi wneud hyn ar-lein. Gweler: ‘Sut mae Ticket Tailor yn gweithio’
Os dymunwch ganslo ar ôl y terfyn 3 wythnos hwnnw, rhaid i chi gysylltu â ni ar contact@twfwalks.co.uk er mwyn i’ch amgylchiadau gael eu hystyried yn unigol. Mae ad-daliadau ar ôl y terfyn amser hwn yn gyfan gwbl yn ôl ein disgresiwn ni a byddant bob amser yn eithrio’r ffioedd archebu.
Ni fydd tocynnau nas defnyddiwyd yn cael eu had-dalu os na fyddwch yn cyrraedd (no-show), os byddwch yn canslo ar y diwrnod, neu mewn unrhyw amgylchiadau ar ôl i’r daith ddechrau.
Mae Gŵyl Gerdded Trefriw yn cadw’r hawl i newid neu ddiwygio llwybr unrhyw daith. Ni fydd ad-daliadau yn cael eu rhoi mewn amgylchiadau o’r fath. Fodd bynnag, os byddwn yn canslo taith yn gyfan gwbl, byddwch yn cael ad-daliad llawn.
Iechyd a Ffitrwydd
Cyfrifoldeb y cerddwyr yw gwneud yn siŵr eu bod yn ddigon corfforol heini i gymryd rhan yn y daith y maent wedi’i dewis. Dangosir gradd pob taith gerdded ar y dudalen, a gellir darllen mwy ynglŷn â’n system raddio yma.
Bydd arweinwyr teithiau yn gofyn i gerddwyr ddatgelu, yn gyfrinachol, unrhyw wybodaeth feddygol sy’n berthnasol i’w gallu i gymryd rhan mewn taith gerdded. Eich cyfrifoldeb chi yw sicrhau eich bod yn cario unrhyw feddyginiaethau neu ddyfeisiau gwrth-alergedd sydd eu hangen arnoch. Bydd o leiaf un Cymorth Cyntafydd cymwys yn mynd ar bob taith.
Mae ein holl deithiau cerdded yn ddi-fwg.
Dillad, Esgidiau, Bwyd a Diod
Cyfrifoldeb y cerddwyr yw gwneud yn siŵr eu bod yn gwisgo dillad ac esgidiau addas ar gyfer yr amodau, h.y. esgidiau cadarn a dillad gwrth ddŵr. Argymhellir y dylai cerddwyr ddod â bwyd a diod sy’n addas ar gyfer eu hanghenion a hyd y daith. Dewch ag eli haul efo chi os oes angen. Mae gan yr arweinydd hawl i wrthod cerddwr sydd heb yr offer priodol.
Oedran
Mae croeso i blant dan 18 ond mae’n rhaid i riant neu oedolyn dros 18 ddod gyda nhw.
Efallai y bydd rhai o’r teithiau cerdded yn anaddas i blant; os hoffech ddod â phlant ar daith gerdded a wnewch chi ddarllen y manylion yn fanwl, ond mae croeso i chi ein hebostio ni os mae angen mwy o owybodaeth arnoch chi.
Amser Ymadael
Mae’r amser a nodwyd yn y rhaglen ac ar y tocynnau yw’r amser ymadael. Cyrhaeddwch o.g.y.dd. mewn da bryd i gofrestru, mynd i’r tŷ bach, ac ati. Yn ystod yr Ŵyl Gerdded cewch ein cysylltu funud ola os bydd raid (manylion ar y dudalen ‘Cysylltwch â ni’). Byddwch yn deall y bydd y teithiau yn dechrau ar yr amser dechrau, waeth a yw pawb wedi cyrraedd neu beidio (oni bai ein bod ni wedi glywed gynnych).
Tywydd
Bydd arweinwyr y teithiau yn y man cychwyn waeth beth yw’r tywydd. Ond, mewn amodau tywydd eithriadol, efallai y bydd y daith yn cael ei haddasu neu’n cael ei chanslo i sicrhau diogelwch.
Newidiadau
Mae’r trefnwyr yn cadw’r hawl i newid y rhaglen heb rybudd ymlaen llaw, ond byddwn yn ymdrechu i gysylltu â’r rhai sydd eisoes wedi archebu cyn gynted â phosibl. Bydd canslo ac adroddiadau ad-daliad yn cael eu trin yn unol â’n Polisi Ad-dalu (uchod). Mae’r arweinydd taith yn cadw’r hawl i newid llwybr y daith yn ystod y daith, os oes angen, am resymau diogelwch.
Lluniau
Yn ystod y teithiau cerdded, efallai bydd arweinwyr yn tynnu lluniau o gerddwyr y gellir eu defnyddio ar gyfer deunydd hyrwyddo yn y dyfodol, ac ar y wefan. Dylai unrhyw un sy’n dymuno i ni beidio eu cynnwys nhw neu eu plentyn/plant mewn lluniau ar gyfer deunyddiau hyrwyddo (gan gynnwys yn Neuadd y Pentref) roi gwybod i’r arweinwyr a’r staff ar ddechrau’r daith.
Os byddwch yn tynnu unrhyw luniau ac os ydych yn fodlon eu rhannu gyda ni ar ein horiel, anfonwch nhw i contact@twfwalks.co.uk.
Cŵn
Mae’n ddrwg gennym ond ni chewch ddod â chŵn ac eithrio cŵn tywys, ar y teithiau hyn. Mae hyn oherwydd yr adeg o’r flwyddyn, pan fydd llawer o ŵyn o gwmpas, a bydd rhai adar yn nythu ar y ddaear.
Ariannu
Gallwch ddarllen mwy am sut rydym yn ariannu’r Ŵyl Gerdded ar ein tudalen gyllido.
Atebolrwydd
Sylwer – Cyfrifoldeb yr unigolion sy’n cymryd rhan yn y teithiau yw sicrhau eu bod yn ddigon heini ar gyfer y daith, a bod ganddynt y cyfarpar addas.
Mae’r trefnwyr wedi gwneud pob ymdrech ymarferol i sicrhau diogelwch yr holl unigolion sy’n cymryd rhan yn yr Ŵyl Gerdded, ac y gwneir asesiad o’r risgiau ar bob un daith o flaen llaw. Ond, ni fydd y trefnwyr yn derbyn cyfrifoldeb am unrhyw anaf, golled neu ddifrod i unigolion nac eiddo, sut bynnag y bydd yn cael ei achosi, os nad yw’n deillio o esgeulustod uniongyrchol gan y trefnwyr, ac os oes gan y trefnwyr ddyletswydd gofal. Er yr yswirir y trefnwyr, rydym yn eich cynghori i drefnu yswiriant ar gyfer damweiniau ac anaf personol.
Gwarchod Data
Gellir darllen ein Polisi Diogelu Data yma.
Dyna’r cyfan! Diolch am gyrraedd y diwedd!
Os ydach chi isio mwy o wybodaeth, mae croeso i chi ein hebostio ni.