Dydd Sadwrn 20 Mai, 2023
I fyny Grinllwm a thu hwnt
Grinllwm yw’r allt sy’n edrych dros Drefriw o’r de. Bydd y daith olygfaol, heddychlon hon yn cychwyn trwy esgyn yr allt serch hon, lle byddwn yn cael brêc ar y top i fwynhau’r golygfeydd gwych i lawr Dyffryn Conwy i’r arfordir.
Bydd yr ochr arall i Grinllwn yn ein cael ar ymylon pentrefan, cysglyd Llanrhychwyn, lle byddwn yn stopio i ymweld â’r eglwys, un o’r hynaf yng Nghymru.
Bydd y llwybr yn mynd â ni wedyn ar ymylon Coedwig Gwydir, hyd at man uchel uwchben Llyn Glangors a mwynglawd Pandora gynt, lle bydd golygfeydd da o’r mynyddoedd. Byddwn yn disgyn i Lyn Geirionydd (toiledau yn y maes parcio), wedyn dychwelyd i Drefriw drwy’r coedwig a heibio i’r llethr llawn clychau’r gog.
Hyd: Trwy’r dydd. Dewch â phecyn bwyd.
Pellter: 6 milltir / 10 km
Gradd: Cymedrol (ond efo cychwyn serth iawn), ac ar bês hamddenol
Amser ymadael: 10:20 y.b. o Neuadd Bentref Trefriw (LL27 0JH, SH781631)
Bydd te a chacen ar gael yn y Neuadd o flaen ac ar ôl eich taith. (Gweler ein caffi.) Croeso i chi aros a chymdeithasu.
Arweinwyr: Clive Noble a David Davies
Cliciwch ar y map i weld bras leoliad y daith gerdded hon.
Archebu: I archebu lle, cliciwch ar y botwm Eventbrite isod (a fydd yn agor tab newydd).
Gwnewch yn siŵr eich bod wedi darllen y wybodaeth archebu, amodau a thelerau cyn i chi fynychu unrhyw daith gerdded.
Sylwer: Er na fyddwn ni’n codi tâl am ein teithiau cerdded, byddwn yn gofyn am rodd wirfoddol (pres parod neu gerdyn). Mwy o fanylion ar ein tudalen ariannu.