Dydd Sadwrn 16 Mai, 2026 10.00 y.b.
Gofod Glas – Tirlun Dyfrol
Ar ôl cofrestru, byddwn yn trefnu i rannu ceir fyny i faes parcio Crafnant. O fan hynny, byddwn yn cerdded o dan chwarel lechi drawiadol Clogwyn Fawr ac ymlaen at gofeb Taliesin ym mhen draw Llyn Geirionydd.
Gan ddilyn y ffordd dawel at y safle picnic (lle mae toiledau ar gael), byddwn wedyn yn dringo i fwlch sy’n edrych dros Lyn Crafnant a’i gylch o fynyddoedd, cyn mynd o amgylch pen y llyn ac yn ôl i’r maes parcio.
Yn ystod y daith, bydd cyfle i ganolbwyntio mewn ffyrdd mwy creadigol ar bwnc dŵr croyw, gan archwilio’n ddyfnach ein cysylltiad personol â’r tirlun a’n heffaith gyfunol arno.
Bydd cyfle i siarad yn Gymraeg efo staff Gofod Glas os hoffech chi.
Hyd: Trwy’r dydd. Dewch â phecyn bwyd.
Pellter: 3 filltir / 5 km
Gradd: Hawdd, hamddenol
Cofiwch – ardal wledig yw hon, a bydd ein teithiau cerdded yn mynd â ni allan i gefn gwlad lle bydd rhai rhannau o lwybrau yn anwastad, ac weithiau byddant yn wlyb a llithrig dan draed. Dydy hi ddim fel cerdded ar balmentydd!
Cofiwch wisgo ar gyfer y tywydd a sicrhau bod gennych esgidiau addas.
Amser ymadael: 10:00 y.b. o Neuadd Bentref Trefriw (LL27 0JH, SH781631) Cyrhaeddwch 20 munud cyn amser cychwyn y daith.
Cludiant: Byddwn yn rhannu ceir i fan cychwyn y daith gerdded ac yn ôl.
Bydd te a chacen ar gael yn y Neuadd o flaen ac ar ôl eich taith. (Gweler ein caffi.) Croeso i chi aros a chymdeithasu.
Arweinwyr: Terry Smith a Iwan Edwards
Cliciwch ar y map i weld bras leoliad y daith gerdded hon.
Pris: £12 Pam rydym yn codi tâl am deithiau cerdded?
Cliciwch isod am docynnau.
Gwnewch yn siŵr eich bod wedi darllen yr wybodaeth archebu, amodau a thelerau cyn i chi fynychu unrhyw daith gerdded.
Os ydy’r daith hon wedi gwerthu allan, gwiriwch eto’n nes at yr amser gan fod gynnon ni gansladau weithiau. Mae croeso i chi bori drwy ein teithiau cerdded eraill sydd ar gael.
Sylwch, er ein bod bellach yn codi tâl am ein teithiau cerdded, dan ni’n dal i ofyn am roddion gwirfoddol (mae cerdyn yn well, ond derbynnir arian parod) i helpu i gadw prisiau ein tocynnau mor isel â phosibl. Mae mwy o fanylion ar ein tudalen ariannu.