Dydd Sul 18 Mai, 2025
Y Carneddau
Byddwn yn mynd yn ein bws mini i Lanbedr-y-Cennin, uwchben Dyffryn Conwy, i gychwyn cerdded yno.
Byddwn wedyn yn pasio Bwlch-y-gaer i ddilyn llwybr uwchben llynnoedd Dulyn a Melynllyn – sy’n cyflenwi dŵr i’r arfordir – i’r grib rownd Carnedd Gwenllian and Foel Grach.
Byddwn wedyn yn disgyn i Gwm Eigiau, islaw clogwyni Carnedd Llewellyn cyn gwneud ein ffordd drosodd i Lyn Cowlyd, lle bydd y minibws yn mynd â ni’n ôl i Drefriw.
Cofiwch y medrith hi fod yn oer ar y topiau, hyd yn oed ym mis Mai. Gwnewch yn siwr bod gynnoch chi ddillad addas, h.y. dillad gwrth-ddŵr / gwrth-wynt, dillad cynnes (gan gynnwys het a menig), ac esgidiau cerdded addas (dim trênyrs).
Hyd: Trwy’r dydd. Dewch â phecyn bwyd.
Pellter: 11 milltir / 18 km
Gradd: Mynydd uchel, llafurus8
Dylech chi fod â phrofiad o’r mynyddoedd a thir garw, a bod yn ddigon heini am y daith hon.
Cofiwch – ardal wledig yw hon, a bydd ein teithiau cerdded yn mynd â ni allan i gefn gwlad lle bydd rhai rhannau o lwybrau yn anwastad, ac weithiau byddant yn wlyb a llithrig dan draed. Dydy hi ddim fel cerdded ar balmentydd!
Amser ymadael: 8:45y.b. o Neuadd Bentref Trefriw (LL27 0JH, SH781631)
Bydd te a chacen ar gael yn y Neuadd o flaen ac ar ôl eich taith. (Gweler ein caffi.) Croeso i chi aros a chymdeithasu.
Arweinwyr: Nick Livesey, Mike Bolsover a Brian Watson
Cliciwch ar y map i weld bras leoliad y daith gerdded hon.
Archebu: I archebu lle, cliciwch ar y botwm Eventbrite isod (a fydd yn agor tab newydd).
Gwnewch yn siŵr eich bod wedi darllen y wybodaeth archebu, amodau a thelerau cyn i chi fynychu unrhyw daith gerdded.
Sylwer: Er na fyddwn ni’n codi tâl am ein teithiau cerdded, byddwn yn gofyn am rodd wirfoddol (pres parod neu gerdyn). Mwy o fanylion ar ein tudalen ariannu.