Dydd Sadwrn 17 Mai, 2025
Yn ôl traed y mwynwyr
Byddwn yn darganfod rhai o olion cuddiedig yr ardal, sydd bellach yn ardal Safle Treftadaeth Byd UNESCO.
Byddwn yn cerdded yn ardal Blaenau Ffestiniog a Chwm Penmachno, gan gynnwys rhannau o’r Llwybr Llechi Cenedlaethol.
Ar y daith byddwn yn pasio nifer o hen bentrefi a llynnoedd hardd cyn cerdded i ben un o fynyddoedd yr ardal. O fama ceir golygfeydd o’r tirwedd hanesyddol hwn.
Mae’n debyg byddwn yn gweld amrywiaeth o fywyd gwyllt, felly cofiwch eich binocwlars a chamera!
Hyd: Trwy’r dydd. Dewch â phecyn bwyd.
Pellter: 9.5 milltir / 15 km
Gradd: Llafurus. Esgyniad o ryw 2,000 tr. Gwisgwch esgidiau da.
Cofiwch – ardal wledig yw hon, a bydd ein teithiau cerdded yn mynd â ni allan i gefn gwlad lle bydd rhai rhannau o lwybrau yn anwastad, ac weithiau byddant yn wlyb a llithrig dan draed. Dydy hi ddim fel cerdded ar balmentydd!
Amser ymadael: 9:30 y.b. o Neuadd Bentref Trefriw (LL27 0JH, SH781631)
Byddwn yn rhannu ceir i fan cychwyn y daith gerdded.
Bydd te a chacen ar gael yn y Neuadd o flaen ac ar ôl eich taith. (Gweler ein caffi.) Croeso i chi aros a chymdeithasu.
Arweinwyr: Marianne Siddorn a Maria Denney
Cliciwch ar y map i weld bras leoliad y daith gerdded hon.
Archebu: I archebu lle, cliciwch ar y botwm Eventbrite isod (a fydd yn agor tab newydd).
Gwnewch yn siŵr eich bod wedi darllen y wybodaeth archebu, amodau a thelerau cyn i chi fynychu unrhyw daith gerdded.
Sylwer: Er na fyddwn ni’n codi tâl am ein teithiau cerdded, byddwn yn gofyn am rodd wirfoddol (pres parod neu gerdyn). Mwy o fanylion ar ein tudalen ariannu.