Dydd Sul 17 Mai, 2026 08.00 y.b.
Croesiad Siabod – y ffordd dawelach Tocynnau: £12
Gan fanteisio ar gychwyn yn uchel i fyny ger gwesty hanesyddol y Pen y Gwryd — un o hoff fannau dringwyr Everest — cychwynwn ar ddringfa gyson gyda golygfeydd ysgubol o’r Wyddfa yn ymagor y tu ôl i ni. Mae’r grib lydan hon yn cynnig ffordd dawelach i gopa Moel Siabod, gyda’r olygfa’n gwella gyda phob cam. O’r brig, ar ddiwrnod clir, efallai y cawn gipolwg ar y môr yn y pellter.
Mae ein disgyniad yn ein tywys i lawr tuag at Gapel Curig, gan basio trwy goetir cyn gorffen mewn canolfan eiconig arall i ddringwyr, Plas y Brenin. Yma, mae amser am seibiant haeddiannol a diod yn y bar wrth i ni aros am y bws mini adref.
Cofiwch y medrith hi fod yn oer ar y topiau, hyd yn oed ym mis Mai. Gwnewch yn siwr bod gynnoch chi ddillad addas, h.y. dillad gwrth-ddŵr / gwrth-wynt, dillad cynnes (gan gynnwys het a menig), ac esgidiau cerdded gwrth-ddŵr addas.
Hyd: Trwy’r dydd. Dewch â phecyn bwyd.
Pellter: 6 filltir / 10 km
Gradd: Moderate / llafurus
Cofiwch – ardal wledig yw hon, a bydd ein teithiau cerdded yn mynd â ni allan i gefn gwlad lle bydd rhai rhannau o lwybrau yn anwastad, ac weithiau byddant yn wlyb a llithrig dan draed. Dydy hi ddim fel cerdded ar balmentydd!
Amser ymadael: 08:00 y.b. o Neuadd Bentref Trefriw (LL27 0JH, SH781631) Cyrhaeddwch 20 munud cyn amser cychwyn y daith.
Cludiant: Bws mini i’n man cychwyn ac yn ôl
Bydd te a chacen ar gael yn y Neuadd o flaen ac ar ôl eich taith. (Gweler ein caffi.) Croeso i chi aros a chymdeithasu.
Arweinwyr: Liz Burnside a Greg Grundy a Brian Watson
Cliciwch ar y map i weld bras leoliad y daith gerdded hon.
Pris: £12 Pam rydym yn codi tâl am deithiau cerdded?
Cliciwch isod am docynnau.
Gwnewch yn siŵr eich bod wedi darllen yr wybodaeth archebu, amodau a thelerau cyn i chi fynychu unrhyw daith gerdded.
Os ydy’r daith hon wedi gwerthu allan, gwiriwch eto’n nes at yr amser gan fod gynnon ni gansladau weithiau. Mae croeso i chi bori drwy ein teithiau cerdded eraill sydd ar gael.
Sylwch, er ein bod bellach yn codi tâl am ein teithiau cerdded, dan ni’n dal i ofyn am roddion gwirfoddol (mae cerdyn yn well, ond derbynnir arian parod) i helpu i gadw prisiau ein tocynnau mor isel â phosibl. Mae mwy o fanylion ar ein tudalen ariannu.