Mae ein system archebu yn defnyddio Ticket Tailor (gwefan Saesneg) i ddelio â thocynnau a thaliadau. Os dymunwch archebu lle ar daith, cliciwch ar ‘Archebu’ ar waelod tudalen y daith benodol honno, a fydd yn mynd â chi i swyddfa docynnau Ticket Tailor. Rydym yn derbyn uchafswm o 4 person fesul archeb.
Nid ydym yn derbyn plant dan oed heb gwmni oedolyn, felly mae’n rhaid i bawb sy’n creu archeb fod dros 18 oed.
Gofynnir i chi am eich enw, e-bost a rhif ffôn symudol, ac o ble rydych chi’n teithio ar y diwrnod (at ddibenion marchnata yn unig).
Ar gyfer pob person ychwanegol sy’n mynychu, bydd angen i chi roi eu henw a nodi a ydynt o dan 18 oed.
Byddwch yn derbyn cadarnhad o’ch archeb drwy e-bost ynghyd ag e-docyn. Gellir cadw’r rhain ar eich ffôn neu eu hargraffu, ond bydd eich enw gennym ar y rhestr archebu beth bynnag, felly peidiwch â phoeni os byddwch yn ei golli. Byddwch hefyd yn derbyn nodyn atgoffa awtomatig tua 10 diwrnod cyn y digwyddiad. DS. Os ydych wedi cofrestru ar gyfer mwy nag un daith, byddwch yn cael mwy nag un nodyn atgoffa.
Welwn ni chi yno!
Gwybodaeth Ychwanegol:
CANSLO – Gallwch ganslo eich archeb ar-lein hyd at 3 wythnos cyn eich taith – ni fydd angen i chi gysylltu â ni. Gweler y manylion ar eich e-bost cadarnhau gwreiddiol neu ewch yn ôl i’r ddolen ‘Archebu’ ar dudalen y daith benodol ar ein gwefan. Cliciwch ar ‘Order’ a fe welwch ‘Manage Tickets’ ar frig ochr dde’r dudalen; dilynwch y cyfarwyddiadau canslo a ddarperir gan Ticket Tailor. Pan fyddwch yn canslo, rydym ni hefyd yn cael hysbysiad, felly does dim angen rhoi gwybod i ni. Mae mor syml â hynny, a gallwn wedyn gynnig eich lle i rywun arall. Os yw eich cais i ganslo yn fwy cymhleth am unrhyw reswm, cysylltwch â ni a byddwn yn ei drefnu i chi. Mae adrywiadau (refunds), lle maent ar gael, wedi’u nodi yn ein telerau ac amodau – gweler yma.
MANYLION TOCYNNAU – Bydd yr e-docyn ei hun yn cynnwys ychydig iawn o wybodaeth, heblaw am deitl y daith, y dyddiad a’r amser; gellir dod o hyd i fanylion pellach ar wefan Gŵyl Gerdded Trefriw. Cofiwch nodi’r dyddiad yn eich dyddiadur!
DIM DIGON O LEOEDD AR ÔL? – Pan fyddwch yn archebu eich tocynnau, bydd yn nodi faint o docynnau sydd ar gael. Ond os ydych, er enghraifft, eisiau 4 lle ac mai dim ond 3 sydd ar ôl, cysylltwch â ni a byddwn yn gweld beth gallwn ei wneud i’ch helpu.
WEDI GWERTHU ALLAN? – Os yw taith wedi gwerthu allan, dewch yn ôl rywbryd eto i weld a oes rhywun wedi canslo. Fel arall, gallwch ymuno â rhestr aros.